पौष १४ गतेदेखि पौष २० गतेसम्मको राशीफल

– ज्यो. धनानन्द

मेष ः

ज्ञान र बुद्धि बढ्नेछ । पारिवारिक सुख पाईनेछ । धन आर्जन प्रशस्त हुनेछ । भाग्य बृछिको योग रहेको छ । स्वास्थ्यमा ध्यान दिनुहोला ।

वृष ः

अध्ययन अध्यापनमा बाधा उत्पन्न हुनेछ । वैदेशिक यात्रा त्यति फलदायी छैन । शरीरमा चोटपटक लाग्ने सम्भावना देखिन्छ ।

मिथुन ः

शत्रुपक्षबाट सतर्क रहनु होला । यात्राको अवसर मिल्नेछ । पत्नीबाट सहयोग पाईनेछ । ग्याष्ट्रिकका रोगीहरुले खानपानमा विशेष सतर्कता अपनाउनुहोला । साताको अन्त्यमा विशेष कुराको प्राप्ति हुनेछ ।

कर्कट ः

घर परिवारमा कलह हुने योग छ । मन शान्त गर्न पूजा पाठमा लाग्नुहोला । विशेष कूलदेवता पूजा गर्नुहोला ।

सिंह ः

माता पिताको सहयोग पाइनेछ । शत्रु बढेपनि विजय तपाइँको हुनेछ । विश्वास गरेका साथीहरबाट धोका पाउने योग छ ।

कन्या ः

यात्रामा सतर्कता अपनाउनुहोला । भाग्य वृद्धि हुनेछ । काममा आएका बाधाअड्चनहरु हटेर जानेछ । आय बढ्नेछ ।

तुला ः

माङ्गलिक कार्यमा सहभागी हुने अवसर मिल्नेछ । खर्चिलो यात्रा गर्नुपर्ला । सन्तानको सहयोग प्राप्त हुनेछ ।

वृश्चिकः

समय मध्यम रहेको छ । कुटुम्बसँगको सम्बन्ध बिग्रिन सक्छ । धार्मिक कार्यमा मन गएतापनि आन्तरिक विश्वासमा गिरावट आउनेछ । गरेको कार्यमा ढिलोमात्र जस प्राप्त हुनेछ । यात्रामा समस्या उत्पन्न हुने, खर्च बढी हुने योग रहेको छ ।

धनु ः

यात्रामा सतर्कता अपनाउनुपर्नेछ । विशेषगरी वाहन चलाउँदा विशेष ध्यान दिनुपर्नेछ । धन कमाउने अवसर प्राप्त हुनेछ । इष्टमित्रजनसँग सामञ्जस्यता अपनाउनुहोला । कार्य सिद्ध हुनेछ । खर्चमा मितव्ययी रहनुहोला ।

मकरः

घरपरिवारमा शान्तिको वातावरण सिर्जना गर्नुहोला । पेटसम्बन्धी रोगहरु सिर्जना हुनसक्ने भएकोले औषधोपचार गराउनुहोला । कार्यहरु विस्तारै पूरा हुनेछ ।

कुम्भ ः

अनावश्यक पीर नलिनुहोला । व्यापारमा सुधार आउनेछ । दाजुभाईसँग विवाद हुनसक्ने भएकोले विवाद नगर्दा राम्रो हुने देखिन्छ ।

मीनः

रोमाञ्चक यात्राको योग छ । विपरितलिङ्गीबाट सहयोग पाइनेछ । आय बढ्नेछ । बोलीमा नियन्त्रण राख्नुपर्नेछ । शत्रुपक्षबाट सतर्क रहनुहोला खर्चमा नियन्त्रण राख्नुपर्नेछ । साताको अन्त्यमा पेटसम्बन्धी रोगले पिरोल्न सक्ने हुनाले खानपानमा सतर्कता अपनाउनु वेश हुनेछ ।