थौँ या मचा जी

लय् ः वेगानी सादीमे
– संकलक ः स्व. अष्टलाल श्रेष्ठ
यःगु मयःगु सिईका ज्या याई मखुनि माँ
धैगु मखुला छित व्याहा याये मखुनि माँ
स्कूल या क्वथा जिगु राईटिङ्ग हे याय मसनि
वंसि पाखुया छेँया क्वथा थ्व यःगु मखुनि ।
स्कूलया मास्टर वःसा म्हस्यु छु याना मद्यु
लमि वल धाःसा झट्ट खेँ काला दिईगु
छेँ बुँ जि गाकक दु काये मचा वियेदु
लमि यात खँ सेनादिल लमि झन् गज्याम्ह दु
विचार विईगागु मखुनि नकतिनीया मचातिनी
मिसा छु मिजं छु भेद छुँ स्यूगु मखुनी
छता खँ ल्हाय मस जि खँया चुपी मज जि
व मिखालय् ल्व ल्व व्याक्क चुप्पा नय मागु स्यु जिँ
क्यातुगु ख्वातिनी नायुगु बोली वचन
बुढा पह याना जुईत मखु भुई सँ या जोवन
इल विल स्युगु मखय्कं चान्हय् निभाःत्वेका दिल
थौँ या मचा जी जुसां आकिवं बौ जुईगु जुल ।
(यस स्तम्भमा साँखुमा पहिले पहिले डबलीमा देखाईने नाटकहरुमा गाइने गीतहरु एवं पुराना ऐतिहासिक कविताहरु प्रस्तुत गरिनेछ । आफूले संकलन गरेका वा लेखेका गीत कविताहरु भए पठाईदिनुहुन पाठकवर्गमा अनुरोध गरिन्छ । – सम्पादक)