वन छं त्वता वन छं - श्याम बहादुर श्रेष्ठ, सक्व सन्त्वाः

थ्व नुगया ख्वस तासा तासा

छ नं ख्वई छ हे हे लाना हे हे लाना

थ्व मिखां ख्वबि हागु छं खंसा

सिपाँय् च्वना नं ख्वई छ हिकुलाना ।।

बिगु मरु छुंसिन्ह स्वाँ जन्म जुईमा

भगवान या सिरय् ब्वये खनेमा

बिगु मरु जिके छुं बिया नं यंकि मखु छं

सुवा बिई सुखावति भुवनय् थेनेमा ।।

पुष्पक बिमानय् च्वना न्हिला न्हिला हुँ छ

भगवान विष्णु या तुती पाली अन्या याना च्वं छ

सुखावती भुवने च्वना वेद पाठ याना च्वं छं

लक्ष्मी व नारायण छेने तया च्वं सदानं ।।

छु ज्या जिथाय्

श्याम बहादुर श्रेष्ठ, सक्व सन्त्वाः

छु ज्या छाय् जिथाय्

छु या वयाम्ह छ

मयो जित वयमते

अ वयां छु याय्गु जिं ।

छं यका छाय् मयकागु

आ छु जुल छन्त

धेवा दुपिं साहुत ख

साहुया काय् हे ख व ।

न्हापा हे धाय्मा मय्जु

वलिसें व्याहा यायेमखु

जि मेम्ह हे यका तैगु दु

जि वैके हे वनेगु वहे यो ।

आ जिथाय् वया ख्वयां

जिं छु यायगु ज्यालगय् मजुल मैँ

त्वताब्यु छं लोमंका छ्व छं

जित ख्वय्कल ख्वय्माल छ ।

चच्छि चच्छि जि नापं वया

घय्घय् पुना ख्वया छं

जिगु न्ह्यो न्हा स्यंंक वयमते

म्हंक म्हिंक वैच्वनेमते छं ।।