नेपालय जथाभावी जमिन मी फइगु व्यावस्थाया हुनिं सोनिगया आदिवासी मूलवासी नेवात नापं तामांगत थौं थपिनिगु हे भूमिइ अल्पमतय लाये धुकूगु दु । थो थनया सत्ताधारितयसं नियतवस हे यानाचोंगु ज्या ख धका थुइकेमा ।
सोनिगया आदिवासी मूलवासी नेवात व तामांगतयत अमिगु थपिनिगु भूमी प्रति बिशेषाधिकार कायम यायेत फुक महानगपालिकातयसं नीति थज्यागु नीति हये हथाय जूगु दु ।
मेमेगु देशय ला आदिवासी मूलवासी जाति जनजातितय भूमि पिनं वया वसोवास यावइपिंत न्याये मीगु हे बन्द यानातगु दु ।
गथे भारतया सिक्किमय अनया आदिवासी भोतिया व लेप्चा जातितय जमिन अन बसोवास यावगु सलंस दं दयेधुंकुगु दुसां नेपालीतयसं न्यायेगु अधिकार मदु । अथेहे आसामय बोडो लगायतया आदिवासीतय भूमि पिनं वया वसोवास या वयाचोंपिसं सुनांनं न्याये मफइगु कानून लागू जुयाचोंगु दु । थज्यागु कानून भारतया हरेक प्रदेशय कडासाथ लागू जुयाचोंगु दु ।
यको लिपा लाये धुकल तर आ हे जूसां नेवायतसं नं थपिनिगु भूमी छुं नं हालतय प्लतिक याके मबीगु सुं नं आप्रवासीतयसं न्याये मदइगु कानून दयेका कडासाथ लागू याये हथाये जूगु दु । स्थानीय सरोकारया खं जूगुलिं स्थानीय सरकार कथं गठन जूगू सोनिग दुनेया महानगरपालिका र नगरपालिकातयसं थज्यागु कानुन दयेका लागू याकेत सोनीगया मूलवासीतयत थपिनगु थासं विस्थापित मजुइकेगु ज्या यायेमागु दु ।
संयुक्त राष्ट्र संघं हे आदिवासी जाति जनजातितयत थपिनिगु भूमि बिषेशाधिकार दयेमागु खं पारित जुयाचोंगु थन न्ह्यथने बहजू । नेपालया संविधानय हे आदिवासी जाति जनजातितयत थपिनिगु भूमि बिषेशाधिकार सुनिश्चित याकेगु लागिं झी जायेमा ।
0 Comments
Thanks for your concerns