लावण्य/साँखु । शंखरापुर नगरपालिकामा यही श्रावण २८ गते पिसिआर परीक्षण गरिएकाहरुबाट ६ जना थप संक्रमित देखापरेका छन् ।
यो सँगै नगरपालिकामा संक्रमितहरुको संख्या १० पुगेको छ । विश्वस्त सूत्रले दिएको जानकारी अनुसार वडा नं. ५ मा २ जना, वडा नं. ७ मा २ जना, शंखरापुर वडा नं. ६ मा १ जना, वडा नं. ९ मा १ जना संक्रमित थपिएको हो ।
यस अघि वडा नं. ७ मा एकजना संक्रमित देखिएका थिए भने वडा नं. ९ मा ३ जना संक्रमित रहेका थिए ।
यसरी संक्रमितहरुको संख्यामा वृद्धी भएपछि शंखरापुर नगरपालिकाका मेयर सुवर्ण श्रेष्ठले आफ्नो फेसबुक पेज मार्फत् “हाम्रो नगरपालिकाभित्र कोरोनाको संक्रमित संख्या बढिरहेको हुँदा आवश्यक मापदण्ड अपनाई सुरक्षित हुन सबैमा अपिल गर्दछु ।” आव्हान गर्नुभएको छ । साथै उहाँले नगरपालिकाको आपतकालिन बैठक बसि आगामी रणनीति बनाइ अघि बढ्ने जानकारी गराउनुभएको छ ।
0 Comments
Thanks for your concerns