शंखरापुर ३ पखेरामा नगद तथा गरगहना चोरि

 

लावण्य/साँखु । शंखरापुर नगरपालिका वडा नं ३   स्थित  पखेरामा आज दिउसो  करिव २:३०  बजे एक घरमा चोरि भएको छ |  स्थानिय कमल नगरकोटीको घरमा आज दिउसो चोर पसी  रु १० लाख  नगद तथा ५  तोला  सुनको गरगहना चोरी गरेकाे  छ | स्थानीय बासि र प्रहरीको सहयोगमा भक्तपुर जिल्ला, चाँगुनारायण नगरपालिका  स्थायी बसोबास गर्ने   २३ बर्षीय गणेश लामालाई पक्राउ गरिएको महानगरीय प्रहरी प्रभाग, साँखुका प्रमुख, प्रहरी निरीक्षक जानुका खरेलले जानकारी दिनुभयो |

 

  (प्रहरी निरिक्षक,जानुका खरेल महानगरिय प्रहरि प्रभाग साँखु )

पक्राउ परेका लामाका साथबाट चोरि भएको मध्ये २१ हजार नगद , गरगहना  तथा एक सेट मोबाइल समेत बरामद भएको छ | स्थानीय बासि र प्रहरीको सहयोगमा घटना घटेको केहि घन्टामा अपराधि पक्रन सफल हुनुले हिजोमात्र प्रहरी मुख्यालयबाट सरुवा भई आएकी निरीक्षक खरेलले यो आफ्नो सफलताको सुरुवात भएको बताईन| पक्राउ परेका लामा यसअघि चाेरीकै केसमा जेल बसेर ४ महिना अघि छुटेका थिए । थप  अनुसन्धान भैरहेको प्रहरी प्रभाग साँखुले जानकारी दिएको छ|