मतिनां जाम्ह

सूर्यभक्त जोशी साँखु, हाल शंखमूल
झसंग न्हिलं जि चाल
छु थ्व सपना खला विपना
म्हिग तिनि नाप लाम्ह उज्व
आका झाकां उलि जुई मता ।।

नाप लाय् मखंका खँल्हा मगाकं
छु थ्व न्हाँके किचजक कंैका
सौर्य जगतय् सुपाँय् चां भुंका
धर्ति मांयात गन छ वन ख्वय्का ।।

छाय् जिं त्वतय् छाय् जिं लोमंके
छाय् जिं दु नुगलं क्वातुका मज्वने
व बेला खँल्हाबल्हा मतिनां जाथेँ
व धर्ति व आकाश दत्तले तंके मखु जिं ।।

दे छाय् छनत जिं दु नुगलंनिसें
कल्पवृक्ष खः छ देछाय् जिं
नुगलय् ख्वःवि हाय्का देछाय् जिं
दे या ज्योति छ खः गिरिजा ।।