गुलिजक बांला

चिबाखं – श्रीभक्त जोशी, इपात्वाः –६

जि छें पिहाँ जक वयाः । छम्ह तस्सकं हिसि व जौभनं जाःम्ह झिं च्यादँ ति दुम्ह ल्यासें जितः स्व स्वं मुसु मुसु न्हिला वन । वैगु केलेहें च्वंगु मिखा ल्वाँय् ल्वाँय् च्वं । अलेला जितः छु मानि ? जि झन् ल्यासे ह्यम्ह ल्याय्म्ह जुल । जिला छत्थुं गजिं काम्ह थें जुल । जितः वं मचायेक चुम्बकं साथें साला यंकल । जितः छकः अन्तरद्वन्द्व जुल । अले नुगले धौ बजि वात । वैत छक लुदंक स्वया । दुनुगया खँ पूवंक कने धकाः । नुगलं खँ क्वछिना आकांक्षा भ्वाथः प्वः ज्वनाः ।

जःखः छकः उखें थुखें स्वःया । अले भाता भातां वैगु् ल्यू ल्यू पलाः न्ह्याका वना । बल्लं व ल्यासे नाप लाका । तिजक नुगया खँ छुना । तर व ल्यासे केवल न्हिला जक च्वन । छुंं हे  खँ लिसः मब्यू । जि तस्सकं अजु चाल छाय् धाःसा, व ल्यासे छकः तस्सकं टाईफाइड जुल हँ । उल्सां निसें लाति जुगु खं जिं छुं हे सिके मफुत । लिपा जि सिमां कुतुं वम्ह थें झसंग वन । थःगु क्वःपुंगु नुगः क्वतुंका । जि थःगु छेँ पाखे स्वया ख्वा खिउँका । छेँने निपाः ल्हाः तयाः । लुकु लुकु छुँे लिहाँ वया ......... ।