म जुत्ता हुँ

– प्रा. मिठ्ठाराम थापा, खुलालटार

म जुत्ता हुँ,

नेपाली जनताको खुट्टाको,

बन अनि सेवक नेपाली

जनताको,

म तिम्रो सेवामा हरपल

सकि नसकि दौडनेछु

यसैमा जनताको भविष्य देख्नु

वन पारदर्शी र अनि दूरदर्शी पनि ... ।

बनाऊ योजना जनताको सामु

जनताका आवश्यकता असिमित छन्

तिमी वन पारदर्शी जनता पर्खी हेर्छन्

जनता तिम्रो पारदर्शी बजेटमा सहयोगी बन्छन् ।

जनता गणपतिहरुले गरेको शासन र दोहनले वाक्क 

दिक्क छन्

जनता पाईला पाईलामा शोषित र पीडित छन्

देऊ मुक्ति दलन र जलनबाट

जनता तिम्रै बाटो हेरिरहेछन् ।

फेरियो तन्त्र र मन्त्र अनि संस्कृति

ए स्वदेशका सपुत हो अव त ब्युँझ

कुखुरा बास्यो हिमाल हाँस्यो

नेपाली जनता कहिले हाँस्ने हो ?