लावण्य सन्देश

स्वम्ह वरिष्ठ साहित्यकारपिंत नेवाः हना सिरपाः

११ पौष २०७९, सोमवाः लावण्य/साँखु । ताःई तक दिनाच्वंगु नेवाः हना सिरपाः थुगु दँनिसें हानं बीगु जूगु दु । सक्वया भाषा साहित्य मुँज्या खलःपाखें थ्व सिरपाः बीगु याना वयाच्वंगु खः । ताःई तक दिनाच्वंगु जुयाः थुगुसी छक्वलं स्वम्ह नेवाः साहित्यकारपिंत थ्व सिरपाः बीगु खँ धाःगु दु । थुगुसी नेवाः हना सिरपाः उपन्यासकार मथुरा साय्मि, कवि योगेन्द्र प्रधान व बाखंच्वमि एवं कवि नर्मदेश्वर प्रधानयात लःल्हाइगु जूगु दु । वय्कःपिंसं थःथःगु ख्यलं नेपालभाषा साहित्यया ख्यलय् यानादीगु योगदानया कदर यासें थ्व सिरपाः लःल्हायेत्यंगु खः । थ्वहे वइगु शनिवाः सक्वय् छगू ज्याझ…